顯示具有 09 華東日全蝕5天團 標籤的文章。 顯示所有文章
顯示具有 09 華東日全蝕5天團 標籤的文章。 顯示所有文章

2009年8月9日 星期日

華東日全蝕之旅 - 網誌全紀錄

華東日全蝕之旅 - 網誌全記錄




遊記篇


華東日全蝕之旅 Day5 (同仁堂, 天祿城, 濱江大道)

Day5 (2009-7-23)
今日行程:上海 [同仁堂﹑上海環球金融中心﹑天祿城]

終於來到最後一天, 這天我格外準時, 7點9便落到餐廳食早餐, 平時我一定是最遲的一個, 阿Bob見到我好出奇, 以為係見鬼。

點解咁神心? 其實係因為我之前上網聽過人講依度d早餐好好味, 所以我特登早d起身食XD 不過我錯了, 早餐選擇好多, 但好吃的冇乜幾多......只能說:「國內人的口味真獨特」

華東日全蝕之旅 Day4 (夜遊黃埔江)

Day4 (2009-7-22)

今日行程:蘇州 [盤門景區觀世紀日全蝕] ﹑ [絲綢廠]--上海 [新天地廣場﹑石庫門﹑城隍廟(上海老街)﹑南京路﹑外灘﹑夜遊黃埔江(自費)]

夜遊黃埔江即係坐船睇夜景, 黃埔江, 就好似香港的維多利亞港, 兩岸建築物臨立, 晚上大廈都亮起燈,燈火閃爍, 份外美麗。在香港都未試過坐觀光船遊維港, 天星小輪就坐得多! 上海o既夜景原來好靚架, 特別係東方明珠塔! 可惜我部機唔靚, 下面o既相已經係極限~~


華東日全蝕之旅 Day4 (上海城隍廟+南京路)

Day4 (2009-7-22)


今日行程:蘇州 [盤門景區觀世紀日全蝕] ﹑ [絲綢廠]--上海 [新天地廣場﹑石庫門﹑城隍廟(上海老街)﹑南京路﹑外灘﹑夜遊黃埔江(自費)]

城隍廟, 聽落以為像黃大仙廟一樣是廟, 俾人去求籤, 點知去到原來是一條又一條的老街。一下車, 嘩! 我好喜歡那裡!


華東日全蝕之旅 Day4 (蘇州絲綢廠, 上海石庫門新天地)

Day4 (2009-7-22)


今日行程:蘇州 [盤門景區觀世紀日全蝕] ﹑ [絲綢廠]--上海 [新天地廣場﹑石庫門﹑城隍廟(上海老街)﹑南京路﹑外灘﹑夜遊黃埔江(自費)]


見證完日全蝕, 我們去參觀絲綢廠, 其實旅行團d景點都幾似小學d暑期活動, 參觀可樂廠呀﹑益力多廠呀﹑雪糕廠呀咁! 當然美其名是「參觀」, 實際上又是一個購物點啦~ 此地方又是謝絕拍攝, 懶巴閉咁!


我地睇到絲綢的製造過程, 咩叫做抽絲剝繭, 我而家終於知道了!

華東日全蝕之旅 Day4 (蘇州日全蝕 - 見證歷史性的一刻)

Day4 (2009-7-22)
今日行程:蘇州 [盤門景區觀世紀日全蝕] ﹑ [絲綢廠]--上海 [新天地廣場﹑石庫門﹑城隍廟(上海老街)﹑南京路﹑外灘﹑夜遊黃埔江(自費)]

晨早5點3便morning call, 6點半便上車, 趕去蘇州盤門景區。


領隊派發的日全食專用眼鏡

剛到步天色都勉強ok, 間中都見到太陽的踪影, 可惜天公不造美, 天色越來越昏暗, 後來便下起雨來! 等呀等, 等呀等, 雨越下越大。

華東日全蝕之旅 Day3 (蘇州:寒山寺)

Day3 (2009-7-21)


今日行程:無鍚 [錫惠公園﹑寄暢園﹑太湖風景區(珍珠館)﹑紫砂茶具專門店]--蘇州 [寒山寺]


欣賞完畢紫砂茶具專門店, 我們就無錫坐車來到蘇州的寒山寺。寒山寺位於蘇州閶門外楓橋鎮,因唐詩人張繼途經楓橋,寫下了「月落烏啼霜滿天,江楓漁火對愁眠,姑蘇城外寒山寺,夜半鐘聲到客船」的名句,把楓橋與寒山寺的優美意境融為一體成了千古絕唱,從此寒山寺的詩韻鐘聲千古傳頌,揚名天下。

2009年8月8日 星期六

華東日全蝕之旅 Day3 (紫砂茶具專門店)

Day3 (2009-7-21)


今日行程:無鍚 [錫惠公園﹑寄暢園﹑太湖風景區(珍珠館)﹑紫砂茶具專門店]--蘇州 [寒山寺]


食完飯, 去左紫砂茶具專門店, 因為這是國家的單位, 所以謝絕拍攝。

不過看到蔣蓉大師同顧大師的精心設計, 實在精彩。手工非常精緻, 除了是一個茶壺之外, 絕對是一件藝術品。可惜冇得影相...不能夠同大家分享。我嘗試用我o既言語解釋俾大家聽~

華東日全蝕之旅 Day3 (太湖珍珠館)

Day3 (2009-7-21)
今日行程:無鍚 [錫惠公園﹑寄暢園﹑太湖風景區(珍珠館)﹑紫砂茶具專門店]--蘇州 [寒山寺]


去完錫惠公園, 跟住又去購物點 - 太湖珍珠館。哈, 跟旅行團有一個好處, 就係去到邊都有好多專家教你野。龍井問茶就教你關於茶的知識, 仲做埋實驗俾你睇; o黎到珍珠館, 就教你點樣分辨真假珍珠, 真係獲益良多。

2009年8月7日 星期五

華東日全蝕之旅 Day3 (錫惠公園:寄暢園,惠山寺)

Day3 (2009-7-21)
今日行程:無鍚 [錫惠公園﹑寄暢園﹑太湖風景區(珍珠館)﹑紫砂茶具專門店]--蘇州 [寒山寺]

今天一樣7點3 morning call, 7點9食早餐, 8點半上車。今天第一站是錫惠公園的惠山寺及寄暢園, 以前乾隆皇帝最喜歡來這裡避暑喝茶。


大家睇唔睇到牌扁上寫著「江南第一山」?
這是乾隆皇帝親筆提的。

2009年8月4日 星期二

華東日全蝕之旅 Day2 (烏鎮水鄉+無錫)

Day2 (2009-7-20)
今日行程:杭州 [西湖(包乘船)﹑孤山公園﹑秋瑾墓﹑龍井茗茶]--桐鄉(中國菊花之都)--著名江南烏鎮水鄉(自費)--無錫


跟住落o黎就係我期待o既景點, 烏鎮水鄉。你可能會同我一樣有個疑問:「點解唔去周莊水鄉o既? 」原來係咁o既, 周莊水鄉只有900年歷史, 但烏鎮水鄉卻有1300年歷史, 同埋周莊水鄉經過大裝修, 現已變得商業化, 所以已經唔好睇。

2009年8月2日 星期日

華東日全蝕之旅 Day2 (杭州西湖+龍井問茶)

Day2 (2009-7-20)
今日行程:杭州 [西湖(包乘船)﹑孤山公園﹑秋瑾墓﹑龍井茗茶]--桐鄉(中國菊花之都)--著名江南烏鎮水鄉(自費)--無錫

第二朝7點3 morning call, 7點9食早餐, 8點半上車。

這天比較興奮才有拍照, 往後的早餐都忘記了拍, 這樣難吃的早餐, 實在沒有甚麼值得好拍的。今天我們去西湖, 天氣十分好, 很曬, 很熱。氣溫依然38度。

華東日全蝕之旅 Day1 (杭州:西湖之夜)

Day1 (2009-7-19)
今日行程:杭州 [南山路藝術休閒特色街﹑西湖之夜(自費)]

一早起身, 看見風勢已經減弱, 心情很愉快!天文台還在6點半改發3號風球, 實在太好了! 城巴7點才宣佈開始陸續恢復服務, 但我們怕塞車, 所以改搭機場快線。

颱風莫拉菲雖然已經減弱至3號風球, 但是因為先前的航班大擠塞, 所以連累我們的航班也要delay>_< 由原本的11:35am改至1:00pm才起飛。

出發之前, 影張大合照先!


2009年7月30日 星期四

A先生的華東之遊後感

這趟華東之旅的主要目的本來是欣賞百年以來最長的日全蝕,最後因為天公不造美﹑烏雲密佈雨紛妢下,只感受到我廿多年來最短的日夜換變,也沒差,蠻有趣的。
老實說,沒多大失望的感覺,日全蝕還不是就在我眼前。只是隔著一牆雲,看不到,卻感受得到。好歹也是與它交融過。欣賞要用心。

杭州,翠綠清幽的一個休閒城市,看到的盡是清新景致。常言道”生在蘇州,住在杭州,食在廣州”,杭州好住的地方就在於她的”閒”。全城樹蔭婆疏,看著樹影搖曳人也不自覺庸懶起來。走在行人道,累了總會找到給你閒坐的椅子。而她沒有半點工業,同時評為全國治安最好﹑衛生最佳的城市,好住之處不用再申述了。

杭州有著聞名的西湖,什麼”斷橋殘雪”﹑”平湖秋月”﹑”蘇堤春曉”,西湖十景全都看不到。看不到不是找不到,而是季節不對﹑時間不對。例如斷橋殘雪,說的是橋上積雪一半因日光融化,一半仍然雪白,在遠處看起來似是橋斷了,因而得名。找一個冬天,我會再來,起碼不用在38度的高溫下汗流浹背遊西湖。

西湖擁有濃厚的歷史背景,很多名人逸事都環繞西湖發生。”西湖之夜”,一個絕對值得一看的表演,集歌﹑舞﹑劇﹑功夫﹑雜技﹑樂器於一身,演的就是西湖二三事,包括梁祝之戀﹑岳飛征金。全劇質數很高,目不暇給。女子們身段優美,這就是導遊先生所說的”杭州女子美在腰子上”。

杭州是華東之旅的第一站,緊接下來是平日都帶點聖誕氣氛的無錫。

同A先生相比...我的文筆實在太爛太爛了>_<
慚愧慚愧......

2009年7月25日 星期六

回來了!

終於從華東回來了~
昨天累到不得之了,今日才有精神跟大家講講感受。

雖然整個旅程也是走馬看花,日全蝕又看不到(嗚嗚...),不過遇著一個好領隊及導遊,令到旅程生色不少!好的領隊及導遊是十分重要的!

今次旅程去了杭州﹑無錫﹑蘇州﹑上海。她們四個城市給我們的最深印象是:
杭州很綠化,很乾淨,空氣清新,生活悠閒,少女身材很好。
無錫很古靈精怪,周圍都是紅紅綠綠藍藍的燈串,包圍大樹﹑天橋﹑大廈等,搞到好似聖誕節,但一點美感也沒有,超奇怪的!
蘇州有著很濃郁的中國文化色彩,最多歷史遺跡,女生個個都是嬌聲嬌氣的,很溫柔。
上海很像香港,五光十色之餘,又保留很多古舊建築,新舊文化的交替,形成城市獨特的一面。上海姑娘個個都很白淨,條腿又修長。最重要是,十個有九個都是美女。

跟旅行團,可以說是一個 pre-Trip,去一次探索,知道當地有甚麼更值得去的地方,就留待下次再去。這四個城市,都有她值得重遊的地方,有機會我一定要再來。
不過給大家一個小忠告,去華東千萬不要7月8月份去,熱到痴線!我們頭兩天在杭州無錫,有38度高溫,不消3秒,便冒著汗...聽聞8月還會超過40度的。若不是為了「日全蝕」,我一定不會在炎夏來。問過許多當地人,都說4~5月份來是最佳季節,屆時開滿花朵,天氣又涼快,實在詩情畫意。

看不到日全蝕,讓我整一張造假照來安慰一下自己吧!


接著我會在我快要忘記之前,盡快寫遊記,大家耐心等待一下吧:)


2009年7月18日 星期六

華東日全蝕5天團 行程資料

華東日全蝕5天團 行程資料


Day 1 杭州 [南山路藝術休閒特色街﹑西湖之夜(自費)]

住宿: 杭州海外海國際酒店 http://www.hwhhotel.com/index.jsp


Day 2 杭州 [西湖(包乘船)﹑孤山公園﹑秋瑾墓﹑龍井茗茶]--桐鄉(中國菊花之都)--著名江南烏鎮水鄉(自費)


住宿: 無錫美麗都酒店 http://www.milido.com/default.asp


Day 3 無鍚 [錫惠公園﹑寄暢園﹑太湖風景區(珍珠館)紫沙茶具專門店]--蘇州 [寒山寺]

住宿: 蘇州春申湖酒店 http://www.cshrh.com/home.htm


Day 4 蘇州 [盤門景區觀世紀日全蝕] [絲綢廠]--上海 [新天地廣場﹑石庫門城隍廟(上海老街)南京路外灘夜遊黃埔江(自費)]

住宿: 上海唐朝酒店 http://www.greattanghotel.com/


Day 5 上海 [同仁堂﹑上海環球金融中心天祿城]

住宿: 自己屋企^o^




膳食




第一天




第二天




第三天




第四天




第五天














酒店內




酒店內




酒店內




酒店內









飛機上




梅家塢茶農宴




蘇阿姨雲吞




上海浥幫小菜




自費









西湖醋魚﹑東坡肉




無鍚排骨﹑太湖銀魚




昆曲主題餐廳




魚翅撈飯




飛機上




華東世紀日全蝕5天住宿資料

華東世紀日全蝕5天住宿資料

去完茶會, 終於知道了行程資料。航班時間都唔錯喎, 午機去, 晚機返。
杭州入, 上海出, 全程不走回頭路。

19 JUL 去程航班:MU594 香港-杭州 (11:35~13:35)
23 JUL 回程航班:MU725 上海-香港 (20:00~22:20)

住宿方面, 又唔係咁差乍喎, 真係住返報團講過果幾間。
最好就係蘇州果間, 有湖景, 不過靚又點丫...第二朝一早就走。

Day 1 香港->杭州
住宿: 杭州海外海國際酒店 http://www.hwhhotel.com/index.jsp
地址:杭州石祥路579號 (0571-88176666)


Day 2 杭州->無錫
住宿: 無錫美麗都酒店 http://www.milido.com/default.asp
地址:梁溪路2號 (0510-85865665)


Day 3 無錫->蘇州
住宿: 蘇州春申湖酒店 http://www.cshrh.com/home.htm
地址:相城區春秋路1號 (0512-87650000)


Day 4 蘇州->上海
住宿: 上海唐朝酒店 http://www.greattanghotel.com/地址:嘉定區安亭寶安公路4339號 (021-39586666)


Day 5 上海->香港
住宿: 自己屋企^o^



世紀日全蝕 團員介紹


上回講到,世紀日全蝕團我地一行6人。
除了我B小姐同A先生先外,仲有有T先生,B先生,M小姐,C先生。
今日等我介紹一下先~

2009年7月17日 星期五

「莫拉菲」打到o黎!

點解...今年發生咩事!
已經連續3個颱風在weekend打到o黎,上星期先打完,今個星期又o黎多個,想點呀......=.=  今次仲要吹到正一正!上天文台個網睇下條路徑圖就知
http://www.hko.gov.hk/wxinfo/currwx/tc_posc.htm

熱帶風暴  莫拉菲


打風都算啦,千祈唔好打8號呀>_<
打8號都算,千祈唔好阻住我起飛呀>_<
預測最接近香港係7月19號朝早......
19號朝早我起飛哪......

God Bless Me

嗚嘩......


2009年5月30日 星期六

日全蝕團報左名

今日去中旅社報左呢個日全蝕團
http://www.ctshk.com/tours/print.jsp?compCode=LP&tourCode=LP09NNSS050719A&ap=Y



好開心呀~~~
由我發起, 直到湊夠人, 到買唔到機票, 到我睇到依個團, 到我地今日6個人一齊報左名, 真係好開心~~
原本打算自己搞自由行, 由3日變4日
原本打算剩係去杭州玩西湖同野生動物園, 但係而家竟然變左5天團
玩晒上海, 蘇州, 無錫, 杭州
團費雖然真係over左budget架哪...不過玩多幾個地方, 行程又豐富d, 又唔洗諗, 佢餵乜你食乜, 佢帶你去邊你就玩邊, 唔洗用腦都幾好o既
雖然都要被逼去埋d乜乜乜珍珠館呀, 茶葉館呀等等等, 但係最多我地咪自娛~
一班年青人, 聚埋一齊, 乜都玩餐飽架啦XD
我仲記得上年同M小姐去廈門, 去d好悶o既地方我地都可以natural high 睇到團友都為之側目!

最好就係, 佢係香港飛, 香港返呀
唔洗頻撲真係好~~

今次旅程唔再係兩個人, 仲有M小姐, B先生, T先生, C先生
佢地係邊個? 哈哈, 遲d等我續一介紹下~~