華東日全蝕之旅 Day3 (太湖珍珠館)

Day3 (2009-7-21)
今日行程：無鍚 [錫惠公園﹑寄暢園﹑太湖風景區(珍珠館)﹑紫砂茶具專門店]--蘇州 [寒山寺]

去完錫惠公園, 跟住又去購物點 - 太湖珍珠館。哈, 跟旅行團有一個好處, 就係去到邊都有好多專家教你野。龍井問茶就教你關於茶的知識, 仲做埋實驗俾你睇; o黎到珍珠館, 就教你點樣分辨真假珍珠, 真係獲益良多。

「教你分辨真假珍珠Video」
http://www.youtube.com/watch?v=8oxBBA7T5qw

我仲因為運氣好, 估中左丰入面o既珍珠有21粒, 得到一盒珍珠膏做獎品^^

珍珠館面對住一望無際o既太湖, 太湖係全中國第三大淡水湖, 面積有兩個香港咁大!!!

望住個太湖, 其實真係同望個海冇分別。不過太湖o既水就冇咁深哪, 最深只有3米, 浸都浸你唔死。正因為水淺, 所以用來養珍珠就最適合。

太湖介紹Video
http://www.youtube.com/watch?v=SvVZFzHj5RM

至於珍珠...本來冇諗住買架, 不過果度真係好平, 珍珠手鏈￥150兩條。
15年珍珠頸鏈￥180一條, 5年貨仔就￥70一條, 質素真係差好遠架~~

5年貨仔o既珍珠, 粒粒都扁身, 唔夠圓, 色澤又冇咁靚。

15年貨仔就粒粒園碌碌, 色澤亮麗。￥180一條其實真係好平, 但係我又冇咁o既需要, 所以買左手鏈。

依條就係我o既收獲哪, 哈哈~~盛惠￥75

依粒係金珍珠, 價值連城呢~~

(黃色衫果位就係我地o既可愛領隊阿芝)
領隊話, 珍珠館附近的山村, 有d好好味o既水蜜桃食。
如果季節o岩先食到, 而且產量唔多。每個要￥70~80, 但係真係超好食。
領隊帶左團咁耐都係食過一次! 果d水蜜桃係用飲管飲的, 成個都係汁, 插支飲管入去飲, 又食到果肉又飲到果汁, 飲完成個扁晒。
嘩......聽到我流晒口水! 咩季節先有呀咁? 好似話10月秋天就係當造了。
想食就要碰運氣, 希望我有生之年可以食到一次啦~

依度賣珍珠真係好平, 大家如果識路o既話都可以自己飛o黎無錫買。
位置在太湖珍珠村, 明珍樓珍珠館, 一條路入, 當地人一定識架~~
有好多香港人會在這裡買珍珠, 然後返到香港先鑲金, 因為依度d金唔靚, 香港先有999千足純金, 而且依度買化算d ma。可惜我未結婚, 如果唔係都買定o黎做嫁妝, 哈!

買完珍珠, 就去食飯。
今餐有無錫排骨食, hohoho! 無錫排骨好好味, 仲有太湖白飯魚炒蛋, 都係無錫o既名菜。仲有個魚云, 我都好欣賞, 辣辣地, d魚又好有魚味。

下一篇
華東日全蝕之旅 Day3 (紫砂茶具專門店)