華東日全蝕之旅 Day4 (蘇州絲綢廠, 上海石庫門新天地)

Day4 (2009-7-22)


今日行程：蘇州 [盤門景區觀世紀日全蝕] ﹑ [絲綢廠]--上海 [新天地廣場﹑石庫門﹑城隍廟(上海老街)﹑南京路﹑外灘﹑夜遊黃埔江(自費)]


見證完日全蝕, 我們去參觀絲綢廠, 其實旅行團d景點都幾似小學d暑期活動, 參觀可樂廠呀﹑益力多廠呀﹑雪糕廠呀咁! 當然美其名是「參觀」, 實際上又是一個購物點啦~ 此地方又是謝絕拍攝, 懶巴閉咁!

我地睇到絲綢的製造過程, 咩叫做抽絲剝繭, 我而家終於知道了!



不過d蠶蟲好慘, 被利用完就要死, 「抽完絲唔要蠶蟲」。原來d絲綢被, 係由一個好細好細的網拉大而成的。因為裡面d結構好緊密, 所以拉極都唔會爛, 而且可以拉到好大都得!

唔講唔知, 原來蠶屎都好有用。蠶屎又名蠶沙, 可以舒緩頸緊膞痛。用蠶屎來製枕頭, 頭温及頭部的壓力使枕内藥物有效成分緩緩散發,


1) 呼吸入肺，提高休息質量，調理窒息式打呼噜，正所謂聞香祛病。


2) 持續作用於頭部的頸胳和穴位，有助於人體調節功能的發揮，使全身的肌胳舒通，氣血流暢，臟腑安和。


3) 通過滲透的方式進入皮膚，使人體吸收，從生理、心理、藥理三方面發揮綜合保健作用。銀橋解毒片便是用蠶屎做出來的。





點解無啦啦咁教學性o既? 我都好似做埋sales咁! 悶親大家唔好意思呀~~


只係想同大家分享我學到o既野, 怕悶o既可以唔睇, 有興趣o既, 咪當學多樣野囉:)





去完絲綢廠, 唔知點解竟然直接在三樓食飯@@ 我個「蘇阿姨雲吞」呢? 去左邊呀?? 佢呃我, 明明話有蘇阿姨雲吞食, 但係全程根本一粒雲吞都未見過!>_<

餐館入面的「多鞭酒」, 有蛇有老鼠, 樣子好嚇人

今餐好普通, 冇咩特色! 有點像華東大雜會, 有東坡肉, 有白飯魚炒蛋, 有上海麵。但是食物的質素好麻麻, 完全冇驚喜。東坡肉好油, 我吃了半啖便冇吃了。白飯魚都不及無錫吃的好。

吃完飯, 就坐車去最後一站上海。兩個多小時車程, 所以大家在車上都呼呼大睡。


睡醒已經來到上海, 上海跟之前幾個城市真的很不同! 新舊建築的交會, 舊的建築比香港舊, 更添韻味。我很喜歡上海的舊建築, 很有特色。

原來上海都有「嘉樂福」的, 我以為台灣先有tim~~





第一站去新天地石庫門, 那裡就像上海版的蘭桂芳, 很多酒吧和cafe, 外國人多過當地人。消費當然也拍得住香港,

一個下午茶都要四十幾蚊人仔。

同蘭桂芳一樣, 到處都是酒吧

特別加插這張加了特別效果的, 係咪好有上海灘味道呢?

這度o既戲都跟得幾貼架

40蚊人仔的下午茶

其實這個地方應該夜晚來才有氣氛, 日光日白, sai左! 導遊話因為上海d路好塞車, 如果夜晚來,

怕我地好夜先返到酒店, 為了保證我地有足夠的休息時間, 所以下午帶我們來參觀。冇法子啦, 跟團就是這樣,

唯有下年世博會再來。逗留了半個小時左右, 拍拍照, 又趕鴨仔去, 去下一站城隍廟。



下一篇
華東日全蝕之旅 Day4 (上海城隍廟+南京路)