華東日全蝕之旅 Day1 (杭州：西湖之夜)

Day1 (2009-7-19)
今日行程：杭州 [南山路藝術休閒特色街﹑西湖之夜(自費)]

一早起身, 看見風勢已經減弱, 心情很愉快!天文台還在6點半改發3號風球, 實在太好了! 城巴7點才宣佈開始陸續恢復服務, 但我們怕塞車, 所以改搭機場快線。

颱風莫拉菲雖然已經減弱至3號風球, 但是因為先前的航班大擠塞, 所以連累我們的航班也要delay>_< 由原本的11:35am改至1:00pm才起飛。

出發之前, 影張大合照先!

中國東方航空的飛機餐, 味道普通啦~

飛機一直keep著低飛狀態, 所以全程都能從空中鳥瞰中國的城市
不知道下面係邊度呢? 廈門? 福建?

到達杭州上空, 出現令我嘆為觀止的景色。
杭州有很多田, 沿途飛了5分鐘, 一直都是造些農田土地。
從來未試過見到咁多「田」架! 仲要在天空上面望落o黎, 真係靚~

越過了一大片農田, 就到達民區, d屋全部都係四四方方圍邊而建, 好似積木屋咁好得意~而屋堆的中間, 又是很多青綠的農田。杭州真是一個很綠化的城市。

3:11pm, 我們到達了杭州機場。一下機, 已經feel到一鼓熱氣包圍身體, 原來攝氏38度, Oh My God! 4:00pm 一踏出機場, 就像一個大桑拿, 活生生把我們乾蒸~_~ 我們趕快跑上旅遊巴。可是出面實在太熱了...旅遊巴有冷氣都唔覺得涼。

從機場到市中心都有1個鐘頭車程, 我們聽著導遊介紹, 拍拍窗外風景, 沿途經過錢塘江 & 西湖, 西湖景色真係好靚, 不過我地聽日先去。

由機場駛到市中心, 沿途望到好多漂亮小屋, 有d仲好有歐陸風情tim~

不過有樣野好得意, 就係某d大屋屋頂上會有一支針插著3個波, 令我感到好奇。
大家估唔估到係咩o黎o既呢? 俾d時間大家估下, 答案在底部揭盅。

大約半小時後, 我們就上橋。在這條橋之前, 是簡樸的民居, 越過這條橋, 就是大城市, 有很多高樓大廈。這條橋之下的, 就是大名鼎鼎的錢塘江! 錢塘江的潮水, 每日都是由西向東流, 因為引力的關係(太學術的解釋我不懂), 每日都有一個時間是由東向西流的。潮水急速由左向右, 猶如萬馬奔騰的景象, 何其壯觀! 不過並不是每天都咁壯觀的, 每年的大潮發生在陽曆「秋分」時間。

以下是從互聯網上搜尋出來的學術性解釋, 有興趣者可以睇下。

錢塘江大潮發生在每年的陰曆八月，這正是"秋分"時節。太陽的光照在地球上的"中心點"正是在"赤道"上。由於地球從西向東自轉，太陽在每天的開始照在太平洋的大部分的熱量，且是在美國的西海岸上開始，於是，隨著地球的自轉，被加熱而"熱漲"的太平洋的"水"向"西推進"，到了下午，就推進到了中國的東海岸。錢塘江正是在此"東"的正面，且由於其地理形狀的特點，就產生了"大潮"。如果是"春分"時節，太陽在每天的開始照在太平洋的大部分的熱量，且是在南美洲的西海岸開始，所以，傳遞到中國的東海岸上的潮汐的"峰值"就比較小。

其實今年的日全蝕, 適逢農曆初一, 碰巧是錢塘江天文大潮。因此，日全食和錢塘潮兩大奇觀，將在以「觀潮勝地」著稱的鹽官鎮，同時上演。其實有旅行團去架, 不過我地報果個cheap cheap團, 就冇安排這個行程。

過了錢塘江, 就經過西湖, 車子圍繞著西湖兜來兜去, 令到我們可以「走馬看花」地欣賞西湖的景色。

這張相是snap得最漂亮的一張!

黃昏的西湖真的很漂亮, 坐在這裡談情, 一定好好 feel o者~

很多荷花呀~~~~

除了西湖十景之外, 還有「長橋不長, 孤山不孤, 斷橋不斷」這3個特別景色。
「長橋不長」, 意思是有條橋名叫「長橋」, 但是它是非常非常短。
沒有拍照啊, 但類似下面呢張。

「孤山不孤」, 導遊講過架, 但係我唔記得左點解, 哈哈!

至於「斷橋不斷」, 就是下圖中的橋。在冬天時候, 西湖會下雪, 整座橋被滿滿的白雪包圍。清晨時分, 大陽的熱力把東面的雪溶化, 橋得番一半, 看上去就像斷橋, 因此得名。

5點半就食飯, 真係前所未有咁早! 今餐有東坡肉同西湖醋魚, 東坡肉一人一兜, 真係好好味, 油而不膩! 至於個西湖醋魚呢...就有d怪, 我仲覺得好腥tim! 我諗唔太o岩廣東人口味。其他餸菜, 不過不失, 一餐飯囉~

食完飯, 我地去睇導遊推薦的「西湖之夜」, 這個活動是自費的, ￥180。原本我以為西湖之夜是在西湖上睇表演, 原來是在一個大劇院內看的表演, ￥180睇一個鐘, 其實都唔平, 不過看完之後, 我們都拍爛手掌。實在是非常精彩!

照片拍了很多, 不過我唔POST咁多出o黎, 這樣才能給你驚喜的感覺。
賣下關子先, 有雜耍, 有舞蹈, 有樂器彈奏, 有武打場面, 有空中飛人, 一個表演就把杭州兩千年歷史媚媚道來。服裝超讚, 氣勢迫人, 兩個字:「精彩」。不過根據男士們的評語, 最精彩是表演的姑娘, 個個如花貌美, 身材均勻, 笑容甜美。

中國有一句說話:「杭州女子靚在腰, 蘇州女子靚在腳, 揚州女子靚在臉」

果然沒錯的, 杭州姑娘的腰真的很幼, 看得A先生心花怒放 (怒!)

一開場, 就有幾個姑娘在彈奏中樂

一邊嘆著茶, 一邊看表演

其實開頭的以為全場都只是這些「音樂表演」, 加上每人派一個拍拍手玩具, d人係又拍, 唔係又拍, 成個場好嘈, 令我心情好煩躁! 後來紅幕一升起, 才是真正的開始!

岳飛的故事

中國人最耍家的雜技表演, 看得我們目不轉睛

杭州的漂亮姑娘

梁山伯與祝英台的愛情故事

空中飛人, 在我頭上飛, 嚇破膽

梅家塢茶園

細說中國的宗教 - 佛教

欣賞完西湖之夜的表演, 我們便要回酒店。去到酒店, 才8:45pm, 有冇搞錯? 應該放我地係西湖玩多陴先返去丫ma...本來想自己搭車出去玩, 但係領隊話酒店離市區很遠, 要搭40min車才到, 而且杭州人冇乜夜生活, 出到去都差不多關門, 結果我們只好乖乖留在酒店休息吧。

這間海外海國際酒店 http://www.hwhhotel.com/index.jsp, 是標準五星。確實幾四正的, 不過由於度廁所門閘唔到, 同埋廁所個電話可以成個跌左落地, 甩皮甩骨咁。可能我地唔好彩啦, 但係已足夠令我對佢印象分大減。

不過同官網張相比......就發現都差好遠!
請問...我部LCD電視去左邊呀?

回上題, 杭州某d大屋屋頂上會有一支針插著3個波, 究竟係用o黎做咩o既呢?

答案揭盅: 其實是一些風水上的東西
這枝「波波針」, 外形有點像東方明珠塔 (不知你有沒有同感), 寓意這家人很有錢, 「大珠小珠落玉盤」, 所有金銀珠寶都要聚晒落這家人裡。簡單d講是一個身份的象徵。



下一篇
華東日全蝕之旅 Day2 (杭州西湖+龍井問茶)