AABB Happy Travel。遊世界: 峇里出差記-Day3【烏布一天遊。美味海鮮Jimbaran】

2013年11月13日星期三

峇里出差記-Day3【烏布一天遊。美味海鮮Jimbaran】

DAY3 (13 Nov 2013)

參觀珠寶夢工場

今早享用過一頓豐富的早餐後，酒店安排了我們去參觀珠寶制作工場，是名牌子John Hardy的。工場內由設計、上色、倒模到生產、打磨，每一個工序都很仔細。B小姐對名牌子非常不敏感，只知道這個品牌在香港連卡佛內有售，價錢都幾貴。Show room內價錢已經平左，但最平的純銀戒指仔都要100USD左右，最貴的頸鏈需要幾百蚊USD，噢！手工真的很精緻，但暫時還是買唔起，望下算喇。

今天試了這個Crumbed Fried Soft Poached Hens Egg, 好正啊

還有這個Egg Benedict

木瓜好新鮮好甜, 這裡的水果都好正

來一碗 Indo Mee

場內不准拍照, 因為版權問題, 但這裡例外, 可以generally地影幾張

珠寶的製作真的需要很細心呢

雕刻

打磨

這個最難呢, 少d眼力都唔得

變了質的Ubud

參觀完John Hardy，我們就坐車去峇里中部的烏布(Ubud)藝術區。多年前來過印象不錯，手工藝品很精緻又便宜，款式也很多。但是事隔幾年人面全非，現在這裡現變得商業化，同埋商品的價錢貴了好多好多，一開價嚇死你。衛生情況亦有點惡劣，在內園區竟然有個垃圾場，亂七八糟的垃圾加埋蒼蠅，望一眼都感到噁心。我買東西不喜歡講價，但是他們開價實在有點過份，不殺不行，費盡唇舌才能完成一單交易我不是太Enjoy。逛了一小時，只買了一件心頭好就走了。

烏布地道印尼餐

午餐我們也在Ubud Market附近的一家餐廳內享用，吃地道的「印尼餐」。印尼人吃得比較重口味，煮法混入許多香料，單吃比較濃，配埋白飯一齊食就啱啱好。峇里飲到的椰清味道跟泰國不同，味道偏酸及淡，得個「大」字。之前飲過一次以為只是那個唔好飲，點知原來係這裡的特色。餐飯幾好味，我自己本身幾鍾意食印尼菜，特別係「印尼炒麵」，但暫時未有機會嚐試到。團友亦有讚，甚至乎話今餐仲好食過係酒店內，有興趣可以一試。但要提提大家，環境亦很「地道」，沒有冷氣的，要有心理準備。

在烏布Market內有一棟峇里廟，是著名的Ubud Palace，就在Ubud Market對面。踏進廟宇，不知是否心理作用，還是頭上的烏雲影響，總是覺得廟宇有一份陰深氣氛，拍了幾張相片就離開了。

美味海鮮Jimbaran－Menega Café

約三時多，我們相約匯合就坐車折回酒店休息，晚上再去金巴蘭(Jimbaran)食海鮮。

常聽說金巴蘭的海鮮好出名一定要試，今日終於有機會喇！亦因為這樣，我放棄了那個Spa Treatment，因為所有booking已經full了，剩下來的時間不fit唔到我個Schedule，所以沒有緣份了，還是留待下年去Fusion Maia才做吧。學他們話齋：「Spa幾時都有得做，但玩不是常常有機會」出外見識下比較有價值。

職員介紹我們去一間叫Menega Café的餐廳，就在Fourseason隔離，而家新酒店W Hotel的背面。我們由餐廳正門走入，穿過餐廳內走出沙灘，Wow！氣氛好正呀，整個沙灘上都放著密麻麻的桌椅，有Live Band表演，蠟燭，海浪聲，未食已經好興奮。但係太太太多人了，我們很艱難才找到一張長枱，不過冇人執野。催了又催，等了又等，差不多30-45分鐘先可以坐低，但張枱同櫈都係斜的，哈哈。侍應都冇服務可言，旺到不得了，餐牌冇得揀，只有Seafood，煮法冇得揀，只有Grill。無諗過星期三都咁旺，如果星期六日來會怎麼樣？真係想像唔到。

食物一來到就食了，不是太多選擇，有Grilled魚，Grilled蝦，Grilled龍蝦，Grilled蜆，炸魷魚，白飯。因為等到太肚餓了，食物一放低大家係咁易影幾張相就低頭食食食，燈光唔夠有點「呢hea」，講真，味道係幾好的，不過係咪最好食就唔敢講。現場仲有幾間餐廳，但Menega係最多人，插針都唔入，反之隔離餐廳仲有唔少吉位。食完一行10人埋單每人170,000 IDR，即係約百五蚊港紙咁上下，食到咁飽已經好滿足。有機會一定要來試試，但要早少少來搵位啊！