北歐極光夢想之旅@Day9.1 探聖誕老人 摩打手寫post card

Day 9.1 (2013-2-11 Mon) Santa Claus Village to Rivaniemi, to Kemi

〔行程： Santa Claus Holiday Village –> Rovaniemi –> Kemi –> S Market超市–> New Bombay 印度餐廳〕〔住宿： Hotel Merivoli〕

今日天氣不錯

去Reception食早餐

早餐出奇地美味，雖然款式不多，都係腸仔、肉丸、沙津、麵包、蒸蛋、蕃茄、芝士、薑餅、薯皮等，真係一眼望晒。

依杯朱古力好好飲，必試！

今日掛住寫同寄postcard，搞到冇晒時間行紀念品店同去北極圈線＞＜

早知尋晚就先逛紀念品店，這裡的紀念品很有特色，而且價錢不貴，住客還有10% off，記得在Christmas Shop度買，postcard平d仲有折，折左0.6-0.7歐一張。聖誕老人Office就有特別的設計，就算卡上張圖一樣，背面寫野果面都係唔同架。價錢當然貴少少，約1-1.5歐一張，又少d款式，但較特別。至於Post Office，款式最多，但是住客在此買沒有折扣，1-2歐一張，我在此流連了３個多小時，買卡連埋寄用左五百幾蚊。寫卡那一刻感覺自己被罰抄，字越寫越醜，越寫越不知道自己在寫甚麼，實在太趕了！但那個chop又真係好靚，物輕情義重，很李不能拿太重，唯有藉著postcard表達心意。希望收到postcard的朋友會喜歡，收不到的也請勿介意，因為朋友實在太多了，如果每個人都寄一張可能要待上一天也未夠。

從餐廳走出來就係Christmas Shop，依度住客買野有九折。Post Card最平！

行左一陣就去探聖誕老人。

村內有幾個聖誕老人Office，Reception隔離有一個

但我地去左另一個Santa Claus Office

進入Santa Claus Office，需要走過一條秘密通道。

以下是偷拍片段，小朋友切勿模仿。

http://www.youtube.com/watch?v=dIRnCWjkFJ4

好多人特登前來都係為左呢幅相，包裝很精美，價錢很拿利，不過一生一次留個紀念OK。

除了相片之外，亦有Video買的，會把你探聖誕老人的過程拍下來。

聖誕老人開口第一句都係 「啊哈Yor」，因為前面真係有一大堆日本遊客，佢把我們當成一群。

探完聖誕老人，我地出去兜左個圈。

可愛的小朋友冰滑梯

我地經過尋晚條冰滑梯，見到好多小朋友在玩到不亦樂乎，超級可愛！

我地仲拍左片俾大家睇：http://www.youtube.com/watch?v=a0okt-Z0wUg

漂亮馴鹿拉車

聖誕老人村，鹿仔都特別靚～而且依度玩唔洗同一大班人一齊出動，每次行一架車，所以應該快ｄ同好玩ｄ。

雪不完的玩意

依度好多雪地玩意玩，估唔到價錢仲唔貴添！我地睇過Catalog，雪地電單車、馴鹿拉車、雪橇犬拉車等，都比起Ivalo平。依度仲有個Arctice Wonderland，入場費１２歐，任玩雪地玩意如滑雪兜、溜冰咁，都幾抵呀！

返到房拎行李準備Check out，已經差不多１２點，仲遲左少少添。

今日真係超好天，今晚可能有機睇到極光，不過我地要南下了。

門外其實有個露台仔，都冇時間好好享用

門口有刷鞋器，刷乾ｄ雪先入屋。

Check-out 完寄存行李在Reception，就去Post Office寫Post Card。

Post Office

很多信件來自世界各地呢

Post Card款式又點少得芬蘭新貴 - Angry Bird呀？

罰抄時間開始

人人都坐低慢慢寫，好似做功課咁。

有興趣可以預訂聖誕老人信件，填左依份form，放低銀兩，聖誕老人就會親筆寫信俾你。

寫好post card，就買郵票寄。1歐一張，寄去邊都係。

寫到15:20終於寄左呢三十幾張卡。趕最後一班車15:40離開。

真係冇諗過自己要寫咁耐......搞到冇時間好好行下Rovaniemi市添！

我慶幸自己住在聖誕老人村，否則肯定完全唔夠時間行啦～

巴士好準時到達！

Ａ先生在等車期間，快閃去影低北極圈。返嚟show俾我睇，羨慕死我！

我們趕著乘坐15:40那班車離開聖誕老人村，轉乘17:15巴士去Kemi。因為掛住寫postcard，連Rovaniemi市也未能好好逛逛，只在Subway內匆忙吃了一個包。