北歐極光夢想之旅@Day4.4 著名 FAZER 朱古力店朝聖

Day 4.4 (2013-2-6 Wed) 破冰勇闖白色芬蘭堡
〔行程：蘇姆連拿城堡 Suomenlinna –> 露天市集廣場 Market Square / Market Hall –>Kamppi商場 –> Fazer朱古力店〕〔住宿： Helsinki Apartment〕


去芬蘭有咩手信好買？芬蘭有三寶：姆明、Nokia、聖誕老人。最近多了一寶：就是Angry Bird。Ｂ小姐親證過Angry Bird真的侵佔了芬蘭的每一角落，朱古力、家品、玩具，周圍都見到Angry Bird的產品。今次旅行帶了一條Angry Bird的行李帶，街上的ＢＢ見到都忍唔住叫嚷。我地覺得佢挑戰緊姆明一哥的地位，甚至有過之而無不及！Angry Bird簡直是芬蘭之光！

至於曾在千禧年代稱王稱霸的Nokia，則隨著智能電話的普及而衰落。你知嗎？Nokia全盛時期，全芬蘭1％人口在Nokia上班，真係唔講得少。

所以我認為，新芬蘭三寶應該係：Angry Bird、姆明、北極光。

聖誕老人固之然有代表性，因為全球唯一聖誕老人村就在芬蘭北部的拉普蘭地區，但近年最HIT的，非北極光莫屬，Ｂ小姐也是為北極光而來的。雖則話北極光好多地方都有得睇，但係芬蘭的比較出名，你話我偏心都係咁話架喇。

講咁耐都入唔到正題，其實今日介紹嘅係朱古力店FAZER - 全芬蘭最出名的朱古力店。

FAZER集團是家族企業，公司始建於1891，由Karl Fazer開設的第一間Cafe起家。目前為芬蘭食品行業最大的公司之一，產品由麵包、朱古力、餐廳、糖果等等。去芬蘭旅遊，如果想買食物做手信，好多人都會買朱古力。

看遊客小冊子得知FAZER專門店就在Apartment附近，隔幾條街，所以回程時都順便行一行啦，唔買都睇下丫嘛。

裡面真係超多唔同種類嘅朱古力，仲有CAFE可以俾你坐低嘆杯咖啡，食件cake，不過價錢太貴了，都係睇下算數。朱古力價錢都唔平，細細包都8-9歐，大盒果ｄ就over 十幾廿歐，一來費事拎啦，仲要北上有十幾日行程，二來好似貴左少少，都係唔買住。

後來發現唔係度買係明智既！因為走均芬蘭各省各市的超市後，發現最便宜的竟然是船上免稅店，其次就係Kemi嘅超市。亦有聽說過在 Rovaniemi＠Ranua Zoo 內的 FAZER專門店 買最多款同最平，每盒最少比出面超市平1-2歐。至於朱古力有幾平，會在Helsinki去Tallinn果篇文章介紹。有圖有真相，到時大家幫手證實下邊度最抵丫。

睇完朱古力，就返我地嘅溫暖Apartment煮飯。收拾行李明天上路，北極光，我來了！！！