戀上星洲茶檔 Killiney Kopitiam

Day2.1 (14 July 2012)

尋晚3點先瞓, 今朝瞓到12點幾才起身! 第一站就梗係食返個星洲風味早餐叉叉電先啦。上次已試過阿坤﹑南洋老咖啡, 今次試下依間一樣好出名o既老店Killiney Kopitiam。依間店全星洲有十幾間分店, 最老店位於Somerset站的Killiney Road, 成條街都開左好多特色早餐店。

遠處已望到大大隻67號字樣

2012 十大最佳航空公司 (轉載)

卡塔爾航空奪兩連霸 

Skytrax 早前公佈「2012 Skytrax 世界航空公司獎」(2012 Skytrax World Airline Awards)。調查機構透過登機服務、座位舒適度、食物質素、娛樂及員工服務等 38 個項目，訪問乘客在過去 10 個月，對所乘客機頭等客位、商務客位、特選經濟客位和經濟客位的滿意度，選出全球最佳 10 間航空公司。

今年全球最佳航空公司是卡塔爾航空，卡塔爾航空也是去年最佳。該公司目前有 103 架航機，平均機齡只有 4 年，機上設施都較新淨，加上有無限銀彈，是目前增長最快的航空公司之一。此外，卡塔爾航空啟航至今沒有重大意外，是安全系數最高的航空公司。搭過卡塔爾航空的人，認同 Skytrax 的調查結果嗎？

國泰奪第 4 名 

相比卡塔爾航空，香港人較多機會乘搭國泰航空，國泰在是次調查中排第 4 名。國泰航機上的個人娛樂系統「StudioCX」，為乘客提供 20 個電視頻道或 10 種互動遊戲，商務客位更有自選影音系統，為航空公司加分不少。此外，自助登機 CXpress、機場貴賓室和飛行獎勵計劃，都是國泰一大賣點。

2012 Skytrax 世界航空公司獎排行榜 

1• 卡塔爾航空

2• 韓亞航空

3• 新加坡航空

4• 國泰航空

5• 全日空

6• 阿提哈德航空

7• 土耳其航空

8• 阿聯酋航空

9• 泰國國際航空

10• 馬來西亞航空


原文來自 http://www.gotrip.hk/diary-3638.html 

蒜蓉豆豉蒸排骨

近來常同A先生一起玩煮飯仔, 今天又試了新菜, 就是家常住家菜的「蒜蓉豆豉蒸排骨」。
這是跟阿蘇學的version, 份量自己因應口味調節過。
出來效果真係好好, 撈飯一流, 下次可以落多少少水!

(8月6日

材料： 

選用一字排或飛機排，飛機排會較好，肉亦會較軟(份量約1斤)  我改了用腩排，買了$20

配料：  

豆豉 1/2 包（用水浸, 洗淨, 用刀背舂爛）

蒜頭 6-8粒（切微粒, 我會抽取1/3整蒜蓉）
                     *
蒜蓉豆豉 切好後先撈均備用 

指天椒 3-4隻 （切粒備用）

調味料： 

醃排骨 - 生 抽 、 老 抽 、 糖 、 各 適 量

生 粉 、 麻 油 
、  生 油
、 水

烹調步驟： 

1 
排骨先用生抽、老抽、糖醃一醃

2  再加豆豉、蒜蓉一起醃半小時  (放入雪櫃更佳)

4 從電櫃取出，加入生粉拌勻，其後加入麻油、油、水  。

5 把醃好之排骨放在碟上，再灑些指天椒粒在表面，蒸20分鐘便完成。 

 
新鮮排骨蒸出來真係唔錯, 肉滑又有肉汁, 非常成功!
結論係, 下次豆豉可以落少d, 同埋水可以落多d, 而家個汁真係太杰, 有d鹹。

《竅門》：豉汁蒸排骨 
材料：選用一字排或飛機排，飛機排會較好，肉亦會較軟。豆豉用刀背壓爛。蒜頭一定要切成微粒。適量指天椒亦切粒備用。 醃料：
醃排骨時分先後次序，先要排骨入味， 用生抽、老抽、糖、豆豉、蒜蓉一起醃半小時，然後再放生粉、
油等鎖住肉塊的味道和水份。 別忘記放指天椒粒， 令整個汁香香辣辣更惹味。

各調味料之用處：

生抽（俾鹹味）、 老抽（俾顏色）、糖（吊味）、蒜頭豆豉（俾味道）。生粉（令肉滑）、油（亦是令肉滑）、麻油（給香味）及最後加一點水令豉汁不會太杰。

*切指天椒不辣手妙法 - 手要乾爽，刀要乾爽，燙手感覺離你而去

《無招牌》白胡椒蟹

Day1.6 (13 July 2012) 

由Bayfront行路去Singapore Flyer

睇地圖, 樂天海鮮就在Singapore Flyer下面, 明明好近, 可唔可以從Bayfront行過去呢? 答案是可以的! 沿著DNA大橋行過對面, 就可以到達Singapore Flyer, 全程約15min左右。

Amazing! 值得一遊的 Marina Bay Sands商場

Day1.5 (13 July 2012) 

Amazing! 值得一遊的 Marina Bay Sands商場
新加坡發展得好快, 一日千里! 闊別兩年o者...海港地標已經唔同左。
當走在這位於Raffles Place 和 Bayfront 站之間的「濱海大道」, 有錯覺以為自己在香港!!
不過這條「濱海大道」卻比起「星光大道」更好走。

驟眼睇真係好似香港

新加坡美食節2012

Day1.4 (13 July 2012) 

新加坡美食節2012

新加坡美食節, 撞正開幕日食頭啖湯!
有關美食展的資料, 我只有以下的前往方法:

．地址: Waterfront Promenade, Marina Bay (Bayfront站A出口﹑Raffles Place站I出口)
．日期: 7月13日至22日
．時間:11:am-11:00pm
．電話: +65 6796 9331
．網址: http://singaporefoodfestival.com.sg/2012

炭爐叻沙 結霜橋

Day1.3 (13 July 2012) 



到左新加坡, 一定要食喇沙, 因為酒店位於Bugis ﹑

Lavender ﹑ Nicoll Highway 交界, 我地知道Lavender 附近有間好味喇沙--結霜橋, 所以我地又發揮看家本領:「行路」去結霜橋叻沙。出發前都有d擔心, 因為B小姐曾經迷路過無數次, 看那些錯地圖的旅遊書兜了太多冤枉路, 擔心再次行差踏錯會被丙, 特別是肚餓的時候。好彩, 今次條路又直又寬, 只係地址含糊, 所以才看不到吧!

你知啦, 坊間d旅遊書, 大多是「你抄我﹑我抄你」咁, 好少數是親身去過, 而又可以整個清晰o既地圖出o黎俾大家睇。如果你左手揸一本, 右手揸一本, 特別係新加坡依個變左咁多o既地方, 真係好易迷路的……冇理由明明行到去, 都要搭地鐵轉幾個站再去架?!? 搭的士又貴喎……

平價旅館 5footway.inn.project Sultan

Day1.2 (13 July 2012)  
5footway.inn.project Sultan

酒店方面, 由Majestic ($1700/晚) --> Santa Grand Hotel Lai Chun Yuen ($1100/晚) --> 5footway.inn.project Sultan ($700/晚), 真係好大改變。新加坡d酒店真係好貴好貴, 只係兩年, 物價標升咁多, 如果冇一千蚊以上, 都好難搵到正常o既酒店。

Jetstar Airways 捷星航空

Day1.1 (13 July 2012) 

Jetstar Airways 捷星航空

今次乘搭Jetstar航空公司，上次坐Tiger，今次坐Jetstar，計埋Air Asia ﹑ Cebu Pacific，香港有機會坐o既廉航都差不多坐過晒。都有少少感想同埋小tips可以分享俾大家o既。

坐廉航，第一件事一定要留意，就係CHECK IN counter在Terminal 1定Terminal 2。平時d大航空公司如國泰﹑星航﹑馬航﹑港龍等等, 都是在Terminal 1的，但廉航如Air Asia及Tiger Airway則在Terminal 2。今次Jetstar也屬Budget Airline，也在Terminal 2。出發前記得CHECK一CHECK，咁就萬無一失啦!

2012 新加坡大變天

o岩o岩從新加坡返到o黎, 冇見2年, 變化真係大!
濱海灣多左好多新地標, 海港發展一日千里, 城市規劃好好, 鐵路覆蓋完善, 令我親身引證「新加坡發展已超越香港」這句說話。
今次依個trip的新發現, 地鐵新增Circle Line, 舊的旅遊書「前往方法一part」已經唔適用。另外, 地鐵EZ-link卡改左制, 多左一張叫Net Flash Card好似八達通咁方便; 物價上漲左勁多, 閒閒地食個lunch都百幾蚊; 意外的驚喜, 撞正新加坡國慶慶祝Rehearsal, 戰機空中花式表演﹑ 放煙花, 濱海灣Water Front Show......etc.

好多人話新加坡好悶, 但係我同A先生都唔覺。
今次我地食左兩次辣蟹﹑Killiney Kopitian﹑瑞記魚湯米﹑結霜橋叻沙, 去左坐Angry Bird纜車, Garden by the Bay, Marina Bay Sands 商場, 新加坡美食展, 小印度, 阿拉伯街, 又發掘了新加坡另一面! 唔知下次再去係幾時呢?

即去遊記第一篇　Jetstar Airways 捷星航空

捷星榮獲Skytrax 2012世界航空公司多項殊榮 ((轉載))

捷星榮獲Skytrax 2012世界航空公司多項殊榮

捷星榮獲Skytrax 2012世界航空公司多項殊榮

•        捷星航空及捷星亞洲獲選為全球最佳廉價航空公司
•        超過1,800萬名旅客參與是次國際性的意見調查
•        捷星在6年內第7次獲得Skytrax主要獎項

捷星航空在Skytrax年度意見調查中分別獲得各地旅客投選為澳洲／太平洋地區的最佳廉價航空公司及全球三大最佳廉價航空公司。

Skytrax主辦的年度意見調查是全球最大型的航空服務意見調查。今年的意見調查共收集了來自100個國家與地區超過1,800萬名旅客的意見。

作為捷星集團的一分子，捷星航空每星期在澳洲以及紐西蘭提供超過 2,200條國內及國際航班服務。是次獲獎是捷星在此界別連續第2年獲得這項榮譽。

總部設於新加坡的捷星亞洲也在這次調查獲得驕人成績，分別獲選為全球十大最佳廉價航空公司及澳大利亞地區十大最佳廉價航空公司。   

捷星集團營運總監哈德利卡表示，這些殊譽充分肯定了整個團隊每年為各地逾2,000萬名旅客所提供的優質捷星體驗。

哈德利卡補充：“澳洲及太平洋地區作為捷星的主要市場，能夠從最重要的評審 – 我們的顧客 – 手中獲得這個獎項，實在是我們員工莫大的榮幸。”

“捷星航空及捷星亞洲同樣獲得多項最佳亞洲航空的榮譽，反映集團為不同區域的客戶提供一致及優質服務。”

此外，哈德利卡女士補充﹐捷星會繼續提供創新意念，讓顧客有更多選擇及更好的飛行體驗。

“於過去一年，我們在澳洲及紐西蘭推出的自助登機服務及為長途機而設的iPads服務均獲得客戶支持。”

“因為我們的亞太地區業務增長至新市場如日本及香港，所以我們的創意將有助提升現有客戶的飛行經驗，以及吸納新的客戶。”

由澳洲航空及中國東方航空合作的捷星香港，計劃將於2013展開營運，現待有關監管審批。

捷星航空曾獲Skytrax選為最佳低成本航空公司 - 2009年及2011年澳洲及紐西蘭獎項，以及於2007年票選為全球第一。如欲查閱2012世界航空公司獎項，請瀏覽www.worldairlineawards.com.


資料來自: 互聯網新聞

最靚婚禮場地 Coral Sea Resort (Airlie Beach)

Day 3.3  (13 May 2012) 

坐完scenic flight之後, 我地參觀坐落於Airlie Beach的一間充滿渡假風情的酒店。

聖靈群島 (The Whitsundays)  1) Coral Sea Resort at Airlie Beach 

大堡礁空中俯瞰 心形環礁 Heart Reef

Day 3.2  (13 May 2012) 

到左Withsunday, 第一站就係玩小型飛機 (小型飛機都有得玩!?!?)

唔係揸飛機, 而係坐小型飛機遊覽大堡礁, 從空中俯瞰 心形環礁 Heart Reef!

首先由機場坐車去小型飛機場先! 沿途風景優美, 是我最愛的一望無際大平原啊......

澳洲內陸機：Virgin Australia (Brisbane-->Whitsunday)

Day 3.1  (13 May 2012) 

完左黃金海岸o既行程, 就出發去 Whitsunday (聖靈群島)。先坐車返回Brisbane機場, 再乘坐內陸機去~~內陸機方面, Virgin Australia 或 Jetstar 或 Virgin Blue 等選擇, 可以上去Webjet search下。今次我坐 Virgin Australia, 都係廉航系列, 但非常有驚喜! 機艙意想不到的新淨, 座位意想不到的舒適!

OMEROS BROS 海鮮大餐

Day 2.5  (12 May 2012) 

OMEROS BROS 海鮮大餐



OMEROS BROS seafood Restaurant, 在黃金海岸非常出名的一家餐廳。
位置在南邊的Seaworld Drive main beach 的 Marina Mirage Center內, 隔離有遊艇會﹑ Fish Market, 是有錢人愛蒲區! 因為海鮮非常出名, 食物好味, 曾獲不少奬項, 加上擁有漂亮遊艇會景, 所以幾乎晚晚爆場!

澳洲最高觀景台 SkyPoint

Day 2.4  (12 May 2012) 

澳洲最高觀景台 SkyPoint

日光之下無新事, 去到邊個大城市都搵到旅遊塔, 曼谷旅遊塔﹑ 台北101﹑ 澳門旅遊塔﹑ 香港Sky100﹑杜拜的哈里法塔, 青島旅遊塔......來到澳洲昆士蘭, 都有一個類似的觀景台叫做SkyPoint, 位置住宅大廈Q1的第77及78層內, 離地約230米, 是澳洲唯一設於海邊的觀景台。在2005年啟用, 據官方網站所指, 它是全球最高的住宅大樓之一, 共85層, 樓高322.5米, 是世界第25高大樓。

阿蘇瑞士雞翼

B小姐平時都幾鍾意下煮, 因為超為食!
鍾意煮又鍾意食, 所以三色台的飲食節目: May姐有請 ﹑ 為食總師令 ﹑ 蘇good ﹑ 食得峰so等等, 我都唔會錯過! 最近阿蘇又做返, 成為我每個禮拜必睇的電視節目之一。前幾集教整瑞士雞翼, 係A先生最愛, 多年前跟餐廳大廚學過調瑞士汁, 用o黎撈丁一流! 雖然個食譜唔見左...但隱約仲記得係用 生抽 ﹑ 老抽 ﹑ 冰糖 o黎做個汁。

今次阿蘇教o既方法唔同, 係落醬油加雞湯, 仲要指定用邊隻醬油, 好似好勁咁, 所以令我好奇之下...買齊料擇日試試。跟住佢個方法整, 真係非常成功, 所以同大家分享成果^^

 

((2人份量))
材料:
1) 雞翼8-10隻 (可選雞中翼或雞全翼, 傳統是用雞全翼, 賣相較靚, 但B小姐喜歡雞中翼^^)
2) 蔥少許, 薑一兩片 
3) 冰水備用
4) 鉅利高級醬油 半支 (店舖在灣仔鵝頸橋附近)
5) 雞湯 250ML
6) 冰糖大量
7) 紹酒少少

 

步驟:
1) 先將雞翼處理 (去毛)

2) 把已處理的雞翼放進
蔥﹑薑 滾水焯一焯, 立即放進冰水冷卻備用
註: 此步驟十分重要, 冷卻後的雞翼會收縮, 皮脆肉嫩彈牙, 煮完之後雞翼仍脹卜卜

 

3) 1:1份量鉅利高級醬油及雞湯, 加入大量冰糖及紹酒少許, 以中火煲 (冰糖份量因應個人喜好調較), 試味! B小姐唔記得左2人份量, 跟足落晒成樽醬油@@ (500ml)+半盒雞湯(500ml), 其實得10隻雞翼應該唔洗落咁多, 落少1半應該都得(即各250ml), 冰糖方面...我都落左半罌。

 


4) 瑞士汁煮滾後把雞翼放入去(記得雞皮向下), 至再次煮滾後熄火上蓋浸10分鐘

 

 

5) 10分鐘後, 開蓋把雞翼逐隻反轉(雞皮向面), 然後再浸多10分鐘, 即成!

上碟後色澤均勻, 隻隻都脹卜卜A先生試過之後都大讚好味, 估唔到淨用浸的方法都可以令隻雞翼熟, 而且肉質仲好嫩tim!
煮完用淨好多汁, 打算聽日用o黎撈出前一丁同埋再滷多10隻雞翼, heehee