漫步小印度

Day3.2 (15 July 2012)  

飲完肉骨茶, 我地搭地鐵去小印度遊覽。話明小印度, 印度人佔了99%, 到處都是印度話, 充滿印度特色的香料﹑花串, 周圍都播放著印度音樂, 彷彿自己真的去了印度般。建議遊覽路線是: 先從Buffalo Road直行, 左轉入Serangoon Road, 行到Race Course Lane交界就轉左, 最後繼續左轉沿著Race Course Lane直行去返原位, 剛好一個圈。小印度同花拉公園站好近, 我地missed左 Race Course Lane, 不知不覺間行到去花拉公園都唔知, 調轉頭走。

一出小印度, 就見到清晰o既路牌教你點遊覽。

花串好香, 我買了一串即場做了一個花環戴著, 入鄉隨俗嘛

我身後的便是陳東齡故居, 七彩繽紛的, 我超鍾意呀!!

可愛的印度小朋友

印度雜誌及報章

依間專賣羊o既舖頭, 站在門外已聞到濃烈羊騷味>_<

街頭建築也是色彩繽紛, 充滿星洲味道

街上有不少金舖

金光閃閃的布料

閃到呢

街頭見到好多依d「當」字的店舖, 是當舖嗎?

原來是印度人的銀行

佢地好興"當"金換現金, 門口仲有今日金價tim。

乜印度人屋企好多金的嗎?

看著兩旁林立的banner, 佢地似乎正在舉行印度美食節

廟宇上精緻的雕刻, 來自「維拉瑪卡里雅曼興都廟」

這間手工藝店, 賣的「立體」畫都很特別, 看上圖的金色佛像, 無論任何角度看, 他也是望著你的, 很神奇!

街頭有不少特色餐廳

突然巧遇的人力車隊

當我地見到依個洋蔥廟, 原來已經行到花拉公園。

小印度, 就像去了濃縮版的印度, 雖然沒有華麗風景 ﹑ 有趣玩意, 但用眼耳鼻親身感受這小社區的文化色彩, 對於這個未曾到過印度的我, 是挺新鮮的。我認為, 旅行的意義, 除了享受美食及好山好水好風景外, 探索當地風土人情也是不可缺少的一環。了解埋當地的歷史文化, 整個旅程感受就更富立體感, 更原汁原味。

下一篇　搵笨Angry Bird纜車