2012年6月27日 星期三

如何爭取緣份邂逅北極光?

最近常常爬文尋找北極光資料, 在討論區看到很多人有疑惑: 「到底去到幾北先睇到極光?」
這也是我初初疑惑的問題, 經過多翻研究及連日爬文的功力後, 以下是小妹的少少心得分享~

 

極光雖不能預測, 卻能從過往紀錄參考, 以下這個網址十分有用, 有iPhone version的, 不過iPhone ver只能看到過去10天紀錄。

追蹤「極光指數」有用網站參考:
Aurora Forecast http://www.gi.alaska.edu/AuroraForecast/Europe/2012/02/26
可以參考北極光過往出現紀錄
 



看北極光的國家, 為何選芬蘭?
 
這地圖能清楚看到北極圈的分界。從這裡看來, 容易到達又較北的國家寥寥可數。格陵蘭﹑加拿大﹑北美﹑俄羅斯﹑芬蘭﹑瑞典﹑挪威, 當中, 北歐三國是一個十分好的選擇~

格陵蘭都好, 國家三分二也進入北極圈, 也是相當不錯! 加拿大及北美都有機會看到, 不過進入北極圈範圍看到的機會比較高。

看北極光出名的地方:

加拿大 (育空 / 黃刀鎮)
北美 (Alaska) 
芬蘭 (Inari)
瑞典 (Kiruna)
挪威 (Tromso)
格陵蘭
冰島


 

當然站於旅遊角度, 如果以上地方也未去過, 最受歡迎應該也是北歐了^^
所以我們揀了芬蘭作為尋極光的落腳地!

去芬蘭第一站通常也是Helsinki, 然後就去Kemi, Rovaniemi, Ivalo (排名不分先後)
Kemi - 玩破冰船 Sampo & Snow Castle
Rovaniemi - 極地博物館, Sauta Clause Village (聖誕老人村), Ranua Zoo
Ivalo - 玩雪地電單車, 雪橇拉車, 馴鹿雪橇, 冰上釣魚, 滑雪, 玻璃酒店, 仲有重頭戲「極光之旅」

Ivalo 北上有個地方叫 Inari, 接近芬蘭的最北點, 深入北極圈, 很多人在 Inari區 的酒店連續入住3天或以上, 都必定有一日看到極光的。


有關「極光指數」......

以下這個地圖是其中一間出名的芬蘭酒店地圖, 前文都有介紹過~
Hotel & Igloo Village Kakslauttanen, Saariselka區 - 玻璃酒店, 小木屋
(http://www.kakslauttanen.fi/
    
從這地圖看, Ivalo的酒店已經進入北極圈, 聖誕老人村則在 Rovaniemi , 比較南, 所以有人會說在 Rovaniemi 比較冇咁易睇到極光~ 其實都是機率的問題。




好, 講返個 Aurora Forecast, 每日匯報當天極光指數, 分為9級
0級 - Minimum: 即係近乎零
1級 - Quiet: 好少, 要進入北極圈範圍機會大d
2級 - Low: 好弱, 但如果去到 Inari 等地, 夠黑夠空曠, 都比較易睇到
3級 - Moderate: 去到依級, 芬蘭有1/3地方都睇到, 聖誕老人村都有機睇到
4級 - Active: 活躍, 過半地區都睇到
5級 - Extreme: 非常活躍, 芬蘭2/3地區都睇到
6級或以上: 一年會出現幾日, 特別在太陽粒子活躍期, 去到這個級數, 那個極光都是很大很亮很多顏色的, 如果你遇到這一天, 實在十分幸運!

通常12月尾到3月都是看極光的好季節, 皆因冬季日短夜長, 極光指數很強, 通常都有2-5級, 極少日子是1級, 偶爾會達到6級以上

 

 



 





除了北歐之外, 這個網站還有其他MAP可以看到加拿大﹑美洲等地的極光分佈的~





冷知識: 甚麼是極光?

由太陽黑子引發太陽表面的爆炸活動, 產生太陽耀斑, 大量高能粒子從太陽釋出外太空, 部份高能粒子被拋到地球來。這些粒子在北極上空的高磁地帶於瞬息間把能量釋放出來, 造成一些短暫被扭曲的磁場, 便形成燦爛奪目的北極光。

太陽黑子數量有11年左右的週期變化, 稱為太陽活動週期。上一個太陽活動高峰期結束於2001年, 隨後進入長期的靜默期。所以最強的「太陽風暴」於2012-2013年抵達地球, 在太陽黑子特別活躍的日子, 都能看到絢麗的北極光。10年一次, 可遇不可求, 要好好把握機會啊!


當然, 有晒「天時﹑地利﹑人和」, 仲要有「運氣」
北極光可遇不可求, 出現的時間又十分短暫, 即使同一日, 唔同時間睇到o既都未必一樣

「運氣」大於一切!



1 則留言:

  1. 你好呀 !!
    好多謝你既資料, 其實我都睇左好多北極光既資料, 但眾說紛紜, 我考慮緊聖誕 or 農曆新年, 但上網睇有 d 人話 12 月好多時都多雲, 天氣無咁好, 應該 2 月天氣會好小小
    但去北歐, 聖誕應該氣氛好 d
    搞到我心大心細

    [版主回覆10/23/2012 20:55:23]ViVi, 11月先報真係遲d左, 除非報新年去啦~~

    [abby回覆10/22/2012 13:48:17]11 月先報? 我知道有好多團都 full 左啦
    jetour 聖誕好似已經 full

    你真係想聖誕去就要快 d 啦

    [ViVi回覆10/19/2012 16:19:15]HEHE~請容許我搭訕^^"

    我都plan緊呀~搵到d志同道合好興奮添

    我都會跟團...其實想報好耐..但我比學校"click"住左..有可能撞考試期..所以真係傷心死..依加只好等11月出time table先知去唔去得成

    [版主回覆08/23/2012 23:34:47]我初初諗住聖誕去都係貪佢氣氛好, 仲有得行聖誕市集tim, 係好開心架~~
    如果跟團就唔洗急, 可以慢慢揀, Jetour, 勝景遊, 翠明假期, 永安, 都應該有做聖誕北歐團, 可以睇下行程比較下丫~~

    [abby回覆08/23/2012 11:42:04]我比你懶, 今次會跟團, 之前 check 過北歐地方太大交通會無咁方便, 所以懶得去安排。
    我曾經問過一位宜家住響芬蘭既人, 佢話建議我聖誕去, 因為北歐聖誕氣氛好, 如果到 2 月咩聖誕裝飾拆哂就無咁靚, 佢話今年 22/12 至 27/12 d 鋪頭會休息
    但佢話由於芬蘭無咩野 shopping, 所以休息都無所謂
    其實我既重點係希望睇到北極光囉, 今年應該係最佳時候, 所以仲未決定12月定 2 月
    雖然我知睇北極光要靠運氣, 但都總有小小數據可以幫助下架
    你知啦, 兩個人去一去北歐都要成十萬八萬, 所以要好好考慮清楚

    [版主回覆08/23/2012 10:44:37]Hello~~~你好呀^^ 好開心你都去北歐~ 我都仍然處於計劃階段, 行程定得7788, 差少少住宿未搞掂! 我地以後可以交流下喇~~ 之前我都諗住12月去架, 不過因為12月聖誕節, 佢地d酒店會比平時貴d, 同埋仲有一個好大問題, 就係北歐人好重視聖誕節架, 佢地聖誕節好多舖頭都唔開, 聖誕老人村呀, 極地博物館呀果d都會提早關門, 北歐果邊直頭成個死城咁, 唔係咁方便, 另外, Kemi個冰堡壘都未開(每年1月至4月限定), 所以後來我改去新年去。

    一來新年唔係鬼佬旺季, 二來而家土耳奇航空做緊特價, 連稅飛芬蘭都係$5990起, 超超超抵!!! 我都book左依個機票, 慳唔少錢~

    回覆刪除