雲南之旅Day4.2 玉龍雪山

Day4 31May2011(Tue)

玉龍雪山 <<印象麗江>>

玉龍雪山的<<印象麗江>>表演好出名, 由張藝謀導演編導。
在露天的大舞台, 以玉龍雪山為背景, 與大自然合而為一,
如此大製作, 只有印象麗江做到!
此乃自費活動, 需要人仔190蚊, 都幾貴! 不過未睇過一定要見識下!

導遊Daisy講解陣間o既行程, 睇完去對面食飯, 飯後就搭車上玉龍雪山。

我地睇11:00-12:00果場, 不幸地下大雨。
已經買左飛冇得退, 所以要著住雨褸睇。

我著到好似小矮人

萬馬奔騰的場面令我非常難忘

玉龍雪山躲起來, 表演人員又穿了梭衣, 雖然也很壯觀震撼, 但失色了是必然的。
最感動係講到, 納西族人一夫一妻制, 而且婚姻多數係父母許配, 有些少數民族被迫同不喜歡的人結婚, 佢地會相約情人一齊上玉龍雪山跳崖恂情。
就好似梁山伯與祝英台咁, 死後佢地去到極落世界, 永永遠遠係埋一齊。

納西族人稱呼靚女係「胖金妹」, 靚仔係「胖金哥」。

佢地特別鍾意戴眼鏡的胖金哥, 因為覺得有學識, 可以教育子女。

雲南係母系社會, 男人天生唔洗做野!

而且結婚聘禮係女家俾, 一般o既胖金哥會有8頭牛做聘禮, 如果有戴眼鏡, 就double 16頭牛。男人畢業後會做3年野, 吸收下社會經驗,

如果戴眼鏡o既胖金哥, 就做少1年, 只做2年野就得喇。

所以話, 如果你唔介紹入贅, 雲南會係男人o既天堂!

雪山風味餐

睇完表演, 在雪山上午飯, 食雪山風味餐。

我地聽導遊講, 預先準備了杯麵, 因為佢話今餐應該係全程最差的一餐。

其實食落, 都唔係咁差o者。

食完飯, 我地就起程上雲杉坪, 由2400米, 坐索道上去3300米。

坐索道之前, 要坐旅遊巴前往索道車站。

((待續......))