雲南之旅Day2.1 大理天龍八部影視城

Day2 29May2011(Sun)

昆明-->大理

第二日, 一起身就feel到個胃好痛, 入廁所嘔同痾......
我最唔想發生o既事終於發生左, 又冇帶藥, 點算......?
冇咩點食野, 嘔o既都係黃膽水, 今次究竟係粒藥有問題定d水有問題呢?
最辛苦o既時候, 卻要趕飛機......點都要飛到大理先算。
W太俾左李萬山整腸丸我食, 其實以我當時o既身體狀況, 食完估計都係嘔返出o黎。
但係W太話:「你食啦, 食左嘔返出o黎先算啦, 唔食仲辛苦。」於是我就好聽話咁食左, 食完之後, 惡夢開始, 我就一路行, 一路嘔, 由上飛嘔到落機, 將李萬山整腸丸完完全全嘔返晒出o黎。如此的迷迷糊糊, 我就去到大理了。

天未光, 我們就向機場進發

我們乘坐的是祥鵬航空

嘔吐袋, 是我的恩物

約1小時左右, 我們便到達大理。
大理接待我們的導遊叫小劉, 是一個身型瘦削皮膚偏黑的男人。

天龍八部影視城

去到大理, 第一站係「天龍八部影視城」, 其實我都幾期待依個景點, 因為佢係依照歷史1比1咁起出o黎, 入到去就好似去左古代咁, 好得意。可惜...我完全冇力行, 所以只係影左依張相, 就繼續在車上瞓覺, 其他部份都係空白。

雖然係咁, 我都問團友借左d相俾大家睇。

大理天龍八部影視城座落在全國重點風景名勝區蒼洱景區的中心和風光秀麗的大理省級旅遊度假區山麓片區：背靠秀美的蒼山, 東臨碧波萬頃的洱海, 東距大理古城
1.5公里, 北距大理三月街會場0.5公里, 距崇聖寺三塔2公理, 是大理省級旅遊度假區為《天龍八部》影視劇拍攝投資興建的一個大型影視拍攝基地。



大理天龍八部影視城總投資1.1億元人民幣,占地面積700餘畝。主體建築有城牆、城門、皇宮、王府、大理街、女真部落、西夏城等。二期工程將根據金庸先
生的《天龍八部》擴充內容,
建設以展示遠古時期大理白族人民生產生活方式的《白族農莊》、《天龍八部》中描寫的聚賢莊、信陽城馬夫人家，無量山石洞房，西夏石窟, 大碾房,
以及木, 鐵古橋及客寨、茶花園等其他配套建設專案, 總建築面積將達4萬平方米。《天龍八部》劇中風景是最大亮點就是雲南的大理,
成為遊客到大理尋找南帝行蹤, 探《天龍八部》之源。

在高處可遠眺崇聖寺三塔

((待續......))