青島之旅 Day1.4 八大關﹑公主樓

Day1.4 (2011-4-8)


行程: 香港機場-->青島機場-->海爾洲際大酒店-->花石樓-->八大關-->公主樓-->雲霄路美食街-->酒店

去完花石樓, 就去尋找八大關的另一景點「公主樓」。
八大關係著名風景區, 到青島必遊的景點之一。
沿途看見許多歐陸式建築, 不過因為角度不佳, 所以冇乜點影相。
不過如果花季/雪季來, 應該會靚10倍!

可能大地還未回春, 許多樹木都仍是禿禿的!

從花石樓步行約10分鐘, 就找到了公主樓了~
公主樓是一座丹麥式的建築，這座綠色小樓由一座尖塔與不規則斜頂屋組成，南部有方型平台。 30年代丹麥駐青島總領事設計建造了這幢小樓，準備丹麥公主來青島避暑時居住，實際上丹麥公主並沒有來過，但“公主樓”的名字卻傳開了。
如今公主樓已被改為腎病中心, 所以不設開放參觀。
※ 地址：居庸關路10號
※ 交通：到達八大關後步行前往

夕陽時份, 天色十分美麗

睇完公主樓, 天氣漸冷, 我地都開始離開。

慢慢行返出去, 我地截左好耐都截唔到的士!
唔知係咪撞o岩交更時間, 定係撞o岩放工時間, 周圍都搵唔到車。
冇辦法之下...唯有慢慢行返出大路, 順便望下風景囉~

幼稚園都咁靚, 真係屈機! 望真d, 有d似蠟筆小新讀果間幼稚園喎~

行左半個鐘, 終於搵到巴士站!
青島的交通非常發達, 只要你想去的地方, 就會有公交車, 因為青島的景點基本上是沿著海岸線的。所以如果有時間, 搭巴士係一個不錯的遊覽方法! 最緊要係勁平!! 一程只係1~2蚊, 無論去幾遠都係! 平到笑!

搵左好耐, 終於俾我搵到架巴士係去到雲霄路美食街的!
站名冇寫架, 如果你見到經香港中路o既巴士, 就問問司機啦。

巴士車廂都尚算乾淨

坐左大概20min, 司機叫我地在「家樂福」落車, 然後行過去。

落車位置, 有條地下街, 仲有個報紙檔。
眼利o既我見到報紙檔有地圖賣, 只係9蚊, 我就立即買左一張!
一來我有舖儲地圖癮, 去咩國家旅行, 除左明信片, 第二件心頭好就係地圖。
想不到依張地圖勁有用呀! 對我未來2日o既行程勁有幫助!
建議大家如果去青島自由行, 經過見到都買返張丫。送禮自用都very good!

雲霄路美食街, 其實就在家樂福右手邊過兩條街(南京路-->雲霄路),
由家樂福行過去, 5~10分鐘左右。果度海鮮餐廳臨立, 簡直係晚飯天堂!

下一篇
青島之旅 Day1.5 雲霄路美食街