準備迎接「二零一零」

仲有幾個鐘, 就要同2009 say goodbye, 踏入2010了。

新一年, 又有新o既開始!
每年到左依個時候, 我都會寫一篇大事回顧, review09年頭寫下的新年目標, 然後寫下新一年的目標同計劃。這是一個好好的習慣, 因為寫下了目標, 即是對自己許下承諾。當然定下的目標要量力而為, 要衡量一下自己是否真的可以做到, 不要「眼闊肚窄」。目標定得太高, 最後做唔到, 就會有挫敗感了。相反, 如果做到, 會好有成功感的, 目標可以再慢慢set高d, 一步一步咁實行。這樣, 你就會一年比一年進步。上年做得唔好的, 今年再做好d, 上年已經做得好好o既, 今年就可以試下挑戰其他項目。這個方法好好, 我每年都會時常記著年頭的目標, 並且切實地執行, 而且每年都做到80%以上, 總算對自己有交代

我地成日話, 「人比人, 比死人」, 不要和別人比, 要和自己比。
所以你要超越的, 是過去的自己。
有一天, 你回望返, 就會發現自己不知不覺間進步左好多, 成長左好多。

2010年, 我有許多大計, 而且不是容易。
不過我會努力的!
大家都要努力!

祝各位新年快樂!
Happy New Year!

從零下14度的北京回來了

北京之旅2009
(2009.12.24~2009.12.27)

零下14度登長城
今次這個裡程簡直令我們「刻骨銘心」，溫度比預期中更低，我們竟然在入冬以來最凍的一天登長城，零下14度，凍到手指腳指冇晒知覺，鼻水不自覺流下來，完全控制唔到。站在長城上，我除了感受到歷史遺產帶來的震撼，還深深感受到何謂「寒風刺骨」！當皮膚暴露在空氣中，不消幾秒，立即凍僵。不止凍，而且痛，十指痛歸心。

勁捲利的北京口音
北京人d口音真係好難聽，整個旅程，聽得最多的就是「嬸媽？（甚麼？）」，再配合一個疑惑的表情。不是由我口說出，就是由當地人說出。他們聽不懂我的普通話，我也聽不懂他們的普通話。當他們完整說完一句說話後，我竟然覺得他們在說外星話，我普通話都不算差，為甚麼我竟然聽不明白？哈哈，最搞笑是我把乙(yĭ)９號說成，月(yuè)９號，俾個司機取笑。
「你是哪裡人?」
「香港」
「你一定要把普通話學好」
「好的，我會多多練習」
「跟我說：乙(yĭ)９」
「乙(yĭ)９」
「我(wŏ) 是(shì) 中(zhōng) 國(guó) 人(rén)」
「我是中國人」

走在「飛劍之都」
另外，在首都，我感受到國綷的利害！「飛劍之都」這個殊榮簡直實至名歸。在地上無一處是不佈滿乾or濕的痰積，其中以金融大街特別多，應該改名為「飛劍大道」。

「只求實用，不求美觀」的價值觀
北京人講求實事求事，你不難從細微事物中發現。例如北京地鐵站就已經是一個好好的例子。不同線路的地鐵設計及用料都完全不一致，提示車門關閉的聲音竟然同香港火警鐘的聲音一樣，線路圖的燈顏色時紅時綠，保證每條線路都能給你驚喜。大家明就得啦，洗乜整咁靚，這就是我對北京的感覺。

好，講到依度，我整理一下相片及寫遊記先。
返到來香港，9.4度，是入冬以來最凍的紀錄，我竟然覺得好暖

Merry Christmas 2009

聖誕快樂^^

因為趕時間出門口去北京, 所以d顏色填得有d差^^"

AABB祝大家有一個愉快的聖誕節^_^

Merry Christmas & Happy New Year^o^

北京之旅 - 行前裝備2 ((最後checklist))

臨出發前一日，要再check一次所有野係咪已經ready好~

．HeatTech內衣＋褲
．電話卡
．冷帽
．頸巾
．暖包＋暖貼
．毛毛耳罩
．zurich旅遊保險
．羽絨
．冷衫
．手套
．雪boot
．來回深圳機場直通巴車票
．人仔

萬事俱備，行程中的餐廳都已經訂晒位！
呵呵呵，只要準備好心情，抖足精神，就有一個愉快旅程^o^

A先生給我的yokohama手信

上星期六A先生回來了，他帶了好多手信給我
有吃的，有玩的，嘻嘻

多謝您^^

A先生又飛走了~

今日, A先生又飛走了~
他今次飛去日本橫濱, 好近東京呢~~~
玩得開心d, 玩埋我果份, 食埋我果份......T^T

滑雪前後護膚必讀 (轉載)

滑雪前後護膚必讀 (原文: http://www.weekendhk.com/travel/travelTopic/Detail/id/177)

滑電是冬日外遊的最佳活動之一，相信不少讀者對滑雪裝備都很有心得，但大家又有沒有留意到，原來比起「全副武裝」，簡單的護膚功夫亦相當重要，否則很易凍傷或灼傷！今次我們找到皮膚科史泰祖醫生、星級化妝師Rick Chin及名模Eunis和大家分享心得。

「雪地最傷皮膚」

皮膚科史泰祖醫生稱雪地環境最傷皮膚，若不小心護理，很易會曬傷或凍傷，對皮膚傷害很大。

01 為何會曬傷呢？

史：在雪地上易曬傷原因主要有二。第一，地上白色的雪能反射紫外線於面上；第二，在雪山位置，地面與天空距離更接近，紫外線更易直接照射。若不做足防曬措施，面部很易曬傷致甩皮或乾紋暴現。

Canon PowerShot S90 開箱文

為左個北京之旅...除左買衫買鞋之外，
我仲買左佢---Canon PowerShot S90
真係dup本!!!

其實我想換相機好耐了，原本果部唔係影得差，不過一到夜晚或室內就好唔掂！
因為今次去北京之後短期內都唔會再去，所以為左影靚相，部相機好緊要！
我又唔需要去到DSLR，不過依部「DC王」已經夠晒我用了！
因為佢除左支援手動控制，仲可以影RAW！
真係DC仔一大突破。

我係豐澤買，機價$3580，有勁多野送！
8G SDcard (6class)﹑後備電﹑card reader﹑保護貼﹑相機套(非原裝)﹑大腳架
我仲加左4百蚊買左個意外保，3年內任何意外損壞都有得整，連跌落水跌落地都包，如果整唔到就換過部新o既俾你！又幾抵喎！雖然加埋部機就4千，不過買個保險買個安心，就算真係整爛都唔洗怕！

((試影))

F2.0大光圈真係冇得頂！用AUTO mode 求其影都好靚！

將AV mode，將光圈較到最細，就好容易影到星星燈
此機最細F8.0，不過我發現其實去到F5.6已經好夠，
如果F8.0就好易手震，要用腳架先得。

夜晚都可以拍得如此出色，果然係「夜拍王」！
以後去旅行夜景相都會好靚了^^

用左3年，我部 FX-07 終於可以退役了
以後靚相o既重任就要交俾 S90 啦

加拿大工作假期落實 明年推200名額 (轉載)

【明報專訊】加拿大與香港設立雙邊工作假期計劃，成為是香港第六個工作假期伙伴。根據安排，雙方在2010年各有200個名額，讓參加的青年人可以在當地逗留最多12個月，體驗當地文化風俗，其間可找工作掙旅費。

勞工及福利局長張建宗昨日與加拿大國際貿易部長斯托克韋爾．戴（Stockwell Day）在禮賓府簽署諒解備忘錄，落實於2010年3月1日訂立雙邊工作假期安排。行政長官曾蔭權與加拿大總理斯蒂芬．哈珀（Stephen Harper）見證簽署儀式。

首與北美洲國家合作

香港在2001年起，先後與新西蘭、澳洲、愛爾蘭、德國和日本簽訂同類計劃。加拿大是香港第六個工作假期伙伴，亦是首個合作的北美洲國家。至今已有超過9450名香港青年參與計劃，約有1280名新西蘭、澳洲、愛爾蘭和德國的青年人亦透過該計劃來香港體驗生活。

申請人基本要求是年齡須介乎18至30歲，計劃在香港或加拿大度假最多一年。詳情可瀏覽加拿大駐港總領事館的網址http://www.hongkong.gc.ca，亦可瀏覽香港入境事務處網頁（http://www.immd.gov.hk/chtml/hkvisas_10.htm#1），或致電2824 6111查詢。


真係好了，又多了一個國家^^
咁我又多一個選擇了～如果有埋英國就好
工作假期計劃，我講過限期前我一定要去一次，不過而家仍在儲錢中．．．

I LOVE Singapore

前日一看到Tiger Airway的優惠報導，就立即訂了明年的機票！

其實我已經後知後覺了．．．還好趕得切搭尾班車^^
嘻嘻，日期是明年五月，是我生日的檔期呢～
本來想去4日，但是這個配搭，不是去程沒有平，就是回程沒有平，
結果就索性訂了5天～
哈，現在想起還覺得好聰明，因為下年環球影城開幕，還有聖淘沙，都足夠玩2~3天了！之後仲有動物園，china town，小印度，克拉克等．．．
5天才剛剛好呢～
嘻嘻，我滿心歡喜地期待這個新加坡「勁食+勁玩」之旅

A先生出差去日本:)

今日終於證實左A先生被公司派去SIGGRAPH日本橫濱考察團^o^
這已是A先生今年第二度因為工作關係外遊哪~~~
日本，A先生恨左去好耐架哪！終於俾佢恨到
仲有十幾日就出發呢～～
A先生又要離開B小姐5日，希望佢去得開開心心，一路順風～
記住買手信返o黎俾我呀

虎航新航線：香港<－>新加坡 (來回：$765連稅)

因為我要買飛, 冇時間詳述, 請大家睇下文啦^o^

Tiger 下年二月終於登陸香港啦!!!!!!!

(星島日報報道)以新加坡為基地的虎航（Tiger

Airways），將於明年2月1日起開設每天兩班由香港直飛新加坡的航線，而為慶祝香港這亞太區第三十三個航點的設立，虎航特別推出無敵優惠價益街坊，

繼早前的單程140港元機票後，再接再厲推出$195港元單程直飛新加坡之特惠機票，遊客須於明天（12月2日）前訂票，並於明年2月1日至10月31日期間使用。此特惠機票共設限額二萬位，有興趣者就要快訂票了，另須留意機票於部分節日如農曆新年及復活節期間停止使用。

網頁：www.tigerairways.com


一向提供超平機票的 Tiger Airways，以往只可以從深圳或澳門出發，但由下年二月起，Tiger 將會提供每日兩班往返香港及新加坡的航班，時間如下：

HKG －> SIN

12:25hrs　Departs Hong Kong (HKG)
16:00hrs　Arrives Singapore (SIN)

20:50hrs　Departs Hong Kong (HKG)
00:25hrs　Arrives Singapore (SIN)
                                               
SIN －> HKG

07:55hrs　Departs Singapore (SIN)
11:35hrs　Arrives Hong Kong (HKG)

16:35hrs　Departs Singapore (SIN)
20:20hrs　Arrives Hong Kong (HKG)