上個月我地去左個天水圍元朗2天遊, 今個周末我地又去左汀九深井2天遊, 哈哈!
因為Priceline又做暑假promotion, 今次係位於汀九橋下的帝景酒店Royal View Hotel。7~8月入住,
$401/晚, Standard Room free upgrad to 海景房, 仲可以late check-out till 2:00pm。太抵了~~所以在暑假最後一個周末, 訂左房同A先生過一個悠閒假期~
在荃灣地鐵站B3出口有免費shuttle bus來往帝景酒店, 我地1320上車, 因為塞車關係, 13:50才到達酒店~正常情況下10min就到了。
check-in後一入房, 嘩......一個海景映入眼簾, 好正呀!!!
睇下個廁所先, 冇浴缸tim...真係可惜, 不過好乾淨, 我鍾意!
走廊有一個茶水間, 咖啡&茶一應俱全。
張床好舒服, 舒服過嘉湖海逸
間房好骨子, 感覺好舒服, 非常滿意~~ 唯一要彈下就係依間酒店冇免費樽裝水供應的, 雪櫃有4支水, 最平果支都要$25, 真係唔好去搶?!?
房間望出窗的風景, 真係令人心擴神怡!
在房間休息左一陣, 點知外面開始落大雨......仲行雷tim>_<
等呀等, 睇下電視, 等到4點雨終於停了。
放低左小熊b之後我地就落去游水^v^
可惜一落到去, 因為雷暴警告關係, 泳池暫停開放...結果我地去左做gym。
天公造美, 踩左15min單車之後, 泳池終於開番哪~~~~
我地立刻衝入去游水^o^
d池水好暖, 酒店仲提供好多水泡, 水槍, 浮條等等, 一開始我們玩得好開心~~
泳池旁邊, 有許多太陽傘及椅子, 供給大家休息
由開始小貓3 4隻, 到一個鐘之後...成個泳池都係人! 越來越多人, 我地游唔到了~~
玩左一個鐘我地就上水。
游完水好肚餓......
換完衫之後, 我地就搭車去深井晚飯~~
酒店出面可以截綠色小巴, 勁快3分鐘就到深井, 車費$5。
一場來到深井, 梗係要食陳記燒鵝啦~
但係有好多間喎....邊間先係呀?
我打電話問常去深井的友人, 佢話, 遠d果堆大排檔先係呀~
於是我地向前行, 終於搵到哪~ 應該係依度哪!
到達時候只係6點鐘, 仲係好早, 所以冇咩人~
我地揀左張舒服d o既台坐之後, 就叫野食!
燒鵝分 全隻$240, 半隻$180, 例$120, 3個份量, 我地叫左個例~
然後仲點左兩個小菜: 豉油王鵝腸, 椒鹽豆腐, 及一個粟米魚肚羹
首先上o既係燒鵝, 好油好肥美, 是鵝脾部份, d肉好嫩滑, 最正係自家調較的酸梅醬, 酸甜適中, 與燒鵝配合得天衣無縫, 真係超好味!!!!!!!!!
跟住上o既粟米魚肚羹, 竟然超大碗, 有半個西瓜o既份量!!! 魚肚爽滑, 湯羹夠味, 粟米爽甜, 加埋勁多蛋花, 真係好美味~~~當你飲第一啖, 就會自然想一直飲落去。原本以為飲唔晒, 但係飲下飲下, 竟然俾我地清晒!
豉油王鵝腸, 味道出色, 鵝腸夠爽, 又乾淨, 唯獨唔夠腸味, 濃濃的味道送飯一流。
椒鹽豆腐, 看似平平無奇, 但係咬落去, 你就知道佢係好野! 薄薄的外皮十分脆口, 裡面o既豆腐卻非常滑溜, 這道菜雖然好簡單, 但要煮得好真係好考功夫。點一點o急汁或者華鹽, 簡直是人間美味~
食飽飽, 仲有糖水送, 係豆腐花呢~~唔好以為送o既野就唔好食, 依個豆腐花超滑, 好有豆味, 都係正野o黎架, 雖然好飽, 我地都食清光~~
埋單三百幾蚊, 真係好耐冇到咁飽......今餐非常滿足, 陳記燒鵝是絕對值得推介俾大家~~荃灣有96 & 96M小巴搭入深井, 每程都係$5, 十幾分鐘就到, 都好快下~~
由天光食到天黑
兩個人, 食到肚腩超大, 郁都郁唔到......
第二朝, 本來想在酒店食早餐~但係竟然大排長龍, 要輪籌入座。估唔到依間酒店早餐咁受歡迎的@@ 結果我地又搭車去深井食早餐。
早餐後我地去左酒店下的汀九村度探險, 果度都有個沙灘, 仲見到有人玩獨木舟tim~不過果度d 水質好差, 絕對不適宜游水。因為太曬了...所以兜左個圈就返酒店。
本來想去游多次水, 但係剛好又碰上雷暴警告, 結果只係在更衣室浸左按摩浴池&焗桑拿。玩完之後已經點幾, 攤抖下之後就check-out離開了。
小熊b同小鴨b同大家講byebye~~~
